Back إدوين ملك نورثمبريا Arabic ادوين ملك نورثمبريا ARZ Edwin de Northúmbria Catalan Edwin Northumbrijský Czech Edwin, brenin Northumbria Welsh Edwin af Northumbria Danish Edwin (Northumbria) German Έντουιν της Νορθουμβρίας Greek Edwin of Northumbria English Edwin (Northumbria) Esperanto
Edwin Northumbria (hensaozneg Ēadwine; c. 586 – 12 Here 632/633), pe Eadwine pe Æduinus, a oa roue Deira ha Bernicia – div rouantelezh a voe bodet d'ober Northumbria goude – adal 616 betek e varv e 633. Dont a reas da vout kristen ha badezet e voe en 627. Goude e varv en emgann Hatfield Chase, e voe anvet da sant.
Mab e oa da Ælle, roue Deira. E c'hoar Acha a zimezas da Æthelfrith Northumbria, roue Bernicia, ar rouantelezh angl en norzh d'e hini. Ur breur pe ur c'hoar dezhañ a oa tad pe mamm da Hereric, hag a oa tad da Santez Hilda ha d'he c'hoar Hereswith, a zimezas d'ar roue Æthelric, breur d'ar roue Anna East Anglia.
Tec'hel a rankas Edwin pa voe aloubet Deira gant Æthelfrith, roue Bernikia. mont a reas da glask repu da lez Rædwald East Anglia. Hennezh a reas brezel da Vernikia, hag a voe trec'h war Æthelfrith en 616. Ha setu Edwin lakaet da roue Bernikia ha Deira.
Pa varvas Rædwald, war-dro 624, e teuas Edwin da vout galloududañ roue Enez Vreizh. Laket gant Bede war roll ar rouaned a oa a-us d'ar rouaned angl-ha-saoz all. Hervez ar C'hronik angl-ha-saoz e oa bretwalda, da lavarout eo « pennroue Breizh ».